Doctor's Search

ალექსანდრე ალადაშვილის სახელობის კლინიკა

aladashvili

განახლებული „ალექსანდრე ალადაშვილის სახელობის კლინიკა“ არის მრავალპროფილური სამედიცინო დაწესებულება, რომელიც ქალაქის ისტორიულ-კულტურული ძეგლების ნუსხაშია შეტანილი. კლინიკის ისტორია 1880 წლიდან იწყება. თავდაპირველად, საავადმყოფო 30 საწოლზე იყო გაშლილი. მოგვიანებით, საწოლების რიცხვი 55-მდე გაიზარდა, ხოლო 1920 წელს კლინიკა გაფართოვდა და საწოლების რაოდენობამ 120-ს მიაღწია.

 

• 1919 წელს ეწოდა ქალაქის #2 საავადმყოფო;

• 1934 წლიდან, რეკონსტრუქციის შემდეგ, მან ფუნქციონირება განაგრძო, როგორც სასწრაფო სამედიცინო დახმარების #2 კლინიკურმა საავადმყოფომ.

• 1988 წლიდან საავადმყოფო საკუთრებაში გადაეცა თბილისის სახელმწიფო სამედიცინო ინსტიტუტს.

• 1992 წლის დეკემბერში კლინიკა დაფუძნდა როგორც თსსუ-ს სტრუქტურული ერთეული და ეწოდა თბილისის სახელმწიფო სამედიცინო უნივერსიტეტის აკადემიკოს ალექსანდრე ალადაშვილის სახელობის #1 კლინიკა.

• 2009 წლიდან ეწოდა თბილისის სახელმწიფო სამედიცინო უნივერსიტეტის აკადემიკოს ალექსანდრე ალადაშვილის სახელობის საუნივერსიტეტო კლინიკა;

• 2013 წლიდან შპს “ალექსანდრე ალადაშვილის სახელობის კლინიკა”.

1921 წლის 30 ივნისს თბილისის სახელმწიფო უნივერსიტეტის პროფესორთა საბჭოს დადგენილებით ალექსანდრეს საავადმყოფოს ბაზაზე დაარსდა სამკურნალო ფაკულტეტის თერაპიის კათედრა, რომელსაც სათავეში ჩაუდგა პროფესორი ალექსანდრე ალადაშვილი.

1941 წლიდან თბილისის სახელმწიფო სამედიცინო უნივერსიტეტის სამკურნალო ფაკულტეტის ზოგადი ქირურგიის კათედრა განთავსდა თბილისის ქალაქის საბჭოს აღმასკომის ჯანმრთელობის დაცვის განყოფილების II საავადმყოფოს ქირურგიული განყოფილების ბაზაზე და მას ხელმძღვანელობდა პროფესორი ეფრემ ზაქარაია (1940-1947); შემდგომ – პროფესორი დავით იოსელიანი (1047-1967), პროფესორი მიხეილ ჩაჩავა (1967-1979), პროფესორი გიორგი (გოგი) ბოჭორიშვილი (1979-1981), პროფესორი გივი გონჯილაშვილი (1981-1999); 2009 წლიდან ზოგადი ქირურგიის მიმართულების ხელმძღვანელი არის სრული პროფესორი თამაზ ჩხიკვაძე, რომელიც ამავე დროს კლინიკის კლინიკური დირექტორია.

თითქმის 150 წლიანი ისტორიის მქონე კლინიკას, რომლის ბაზაზეც ექიმთა არა ერთი შესანიშნავი თაობა აღზრდილა, 2013-2015 წლებში ჩაუტარდა სრული სარემონტო-სარესტავრაციო სამუშაოები და აღიჭურვა პროგრესული, ულტრათანამედროვე აპარატურით. განახლებული კლინიკა 2015 წლის 17 ნოემბერს ოფიციალურად გაიხსნა.

კლინიკის აქციები:

 

ამბულატორიული სერვისი:
კონსულტაციები
ინსტრუმენტული კვლევები
გინეკოლოგია
დერმატოლოგია
ლაბორატორიული კვლევები
სტაციონარული სერვისი:
ემერჯენსი
რეანიმაცია
ზოგადი ქირურგია
პროქტოლოგია
ყბა-სახის ქირურგია
ტრავმატოლოგია
კარდიოქირურგია
ანგიოქირურგია
ონკოლოგია
გინეკოლოგია
ანესთეზიოლოგია
თერაპია
ნევროლოგია
კარდიოლოგია
გულის კათეტერიზაციის ლაბორატორია
ჩვენი კლინიკის ექიმები:

 

საკონტაქტო ინფორმაცია:

ალექსანდრე ალადაშვილის სახელობის კლინიკა

დ. უზნაძის ქ N 103
თბილისი, საქართველო, 0102.
ტელ.: + 995 322 95 35 02, 2 95 80 14
ელ. ფოსტა: info@alclinic.ge
ვებ-გვერდი: https://aladashvili.ge/