Doctor's Search

ქ. თბილისის ბავშვთა ინფექციური კლინიკური საავადმყოფო

head

 

ბავშვთა ინფექციური კლინიკური საავადმყოფო ხილიანზე 1936 წლიდან ფუნქციონირებს და თბილისის ერთ-ერთ უძველეს სამკურნალო დაწესებულებას წარმოადგენს. საავადმყოფოს დაარსებაში დიდი წვლილი მიუძღვის სამედიცინო უნივერსიტეტის ინფექციურ სნეულებათა კათედრის გამგეს და პროფესორს, ნიკოლოზ ანდრიაძეს.

2016 წლიდან საავადმყოფო განახლდა და გაფართოვდა: დაემატა ახალი სტრუქტურული ერთეულები, მთლიანად გადაიარაღდა ლაბორატორია უახლესი დანადგარებით, შეიცვალა აპარატურა უახლესი სამედიცინო ტექნოლოგიებით, სახე იცვალა პალატებმა, სულ მალე მთლიანად განახლდება მთელი კლინიკა.

პაციენტებს ემსახურებიან უმაღლესი დონის სპეციალისტები, პროფესორები, მედიცინის დოქტორები და უბრალოდ, კარგი ექიმები.

კლინიკა გაშლილია 90 საწოლზე, 24 საათიან რეჟიმში ფუნქციონირებენ მწვავე რესპირატორულ-ვირუსული ინფექციების, ნაწლავური ინფექციების, რეანიმაციული, ინტენსიური თერაპიის, ლაბორატორიული, ნარკოლოგიური და მიმღები განყოფილებები.

ლაბორატორიაში, ასევე, 24 საათის განმავლობაში, შესაძლებელია ხარისხიანი კვლევის ჩატარება თანამედროვე ტექნოლოგიების გამოყენებით. კეთდება კლინიკური, ბიოქიმიური, იმუნოსეროლოგიური და ბაქტერიოლოგიური გამოკვლევები.

კლინიკას დაემატა ალერგოლოგიური განყოფილებაც, სადაც მოქმედებს დღის სტაციონარი, ალერგო-დიაგნოსტიკა, მწვავე ალერგიული მდგომარეობის კუპირება (ასთმა, ჭინჭრის ციება და ა.შ.), რეგულარული ამბულატორიული დაკვირვება, ჰიპოალერგიული ყოფისა და კვების ინდივიდუალური შერჩევა, პაციენტებისა და მისი ოჯახის წევრებისთვის საგანმანათლებლო პროგრამები.

რაც შეეხება ასაკობრივ კატეგორიებს, ალერგოლოგიის განყოფილება არა მარტო ბავშვებს, არამედ უფროსებსაც მოემსახურება. ნარკოლოგიური განყოფილება კი, მხოლოდ უფროსი ასაკის პირთათვისაა განკუთვნილი.

კლინიკაში ფართოდ არის გაშლილი სამეცნიერო სასწავლო პროცესი, ფუნქციონირებს ორი კათედრა, სადაც მედიცინის საფუძვლებს ეუფლებიან მომავალი ექიმები და კვალიფიკაციას იმაღლებენ უწყვეტი სამედიცინო განათლების რეჟიმში, როგორც ადგილობრივი, ასევე სხვა სამედიცინო დაწესებულებების სპეციალისტები. მნიშვნელოვანია ისიც, რომ 2017 წლის 12 ივლისიდან ბავშვთა ინფექციურ კლინიკურ საავადმყოფოს, თბილისის სახელმწიფო სამედიცინო უნივერსიტეტის აკადემიური საბჭოს გადაწყვეტილებით, აფილირებული კლინიკის სტატუსი მიენიჭა.

ყოველი თვის ბოლო შაბათს საავადმყოფოში ტარდება უფასო კონსულტაციები. კონსულტაციებს გაგიწევენ კლინიკის: ინფექციონისტები, პედიატრები, ნევროლოგები, ოტორინოლარინგოლოგები და ალერგოლოგები (ნებისმიერი ასაკის პირთათვის). აქციის ფარგლებში უფასოა სისხლის საერთო ანალიზიც. 

ჩვენი საავადმყოფო მუშაობს შემდეგი სამედიცინო მიმართულებებით:

ასევე ჩვენთან ტარდება შემდეგი ლაბორატორიული კვლევები:

ბავშვთა ინფექციური კლინიკურ საავადმყოფოში მუშაობს კლინიკო-დიაგნოსტიკური ბიოლოგიური და ბაქტერიოლოგიური ლაბორატორია. ლაბორატორია აღჭურვილია თანამედროვე ავტომატიზირებული ანალიზატორებით. კეთდება შემდეგი გამოკვლევები:

✔ კლინიკური გამოკვლევები
✔ ბიოქიმიური გამოკვლევები
✔ იმუნოსეროლოგიური გამოკვლევები
✔ ბაქტერიოლოგიური გამოკვლევები

საავადმყოფოს ხელმძღვანელობა და წამყვანი სპეციალისტები:

 

  • ბავშვთა ინფექციური კლინიკური საავადმყოფოსდირექტორი - ჯონი ჯანაშია  
  • დირექტორის მოადგილე სამკურნალო დარგში – ნინო გურგენიძე
  • დირექტორის მოადგილე საფინანსო და ეკონომიკურ დარგში -შორენა ჩალაძე.
  • რეფერალურ სამსახურთან ურთიერთობის მენეჯერი – რუსუდან გაჩეჩილაძე
  • საორგანიზაციო დარგის ხელმძღვანელი – ბადრი კობახიძე

საკონტაქტო ინფორმაცია:

ქ. თბილისი. საქართველო
ს. ჩიქოვანის ქ. 14
მიმღები: +995 322 36 34 65
ელ. ფოსტა: bavshvta.iks@gmail.com
ვებ-საიტი: www.cih.ge
Facebook: https://www.facebook.com/თბილისის-ბავშვთ-ინფექციური-საავადმყოფო/