ჯალალიშვილი გია – ექიმი ტრავმატოლოგი

ჯალალიშვილი გია – ექიმი ტრავმატოლოგი  ჯალალიშვილი გია – ექიმი ტრავმატოლოგი

დაბადების თარიღი:
24.03.1963

სპეციალობა:
მტევნისა და ტერფის ქირურგი – ორთოპედ – ტრავმატოლოგი.

სამეცნიერო წოდება/ანამდებობა:
მტევნისა და ტერფის ქირურგიის სექტორის ხელმძღვანელი.

სამუშაო ადგილი:
“ტატიშვილის” კლინიკა, კლინიკა “მედიქლაბ ჯორჯია”, კლინიკა “იუნონა”, “ავერსის” კლინიკა, “PSP–ს ნიუ ჰოსპიტალი”, “მედულა”, თბილისი ონკოლოგიური დისპანსერი, დიაგნოსტიკური სერვისი “ევრომედი”, “ჯეოჰოსპიტალს – მარტინ დ. აბელოფის” ლაბორატორია.

ანათლება:
1984 –1989 წ.წ. თბილისის სახელმწიფო სამედიცინო ინსტიტუტის სამკურნალო ფაკულტეტი.

დიპლომისშემდგომი განათლება:
სტაჟირება: ანკარაში, ბუქარესტში

სერტიფიკატები: 
სახელმწიფო სერტიფიკატი ტრავმატოლოგია– ორთოპედიაში 30.08.2001
Certificate of AO Foundation Education in AO Trauma Intramedullary Nailing Seminar – 26-27.09.2009, Tbilisi Georgia;
Certificate of training in “Hand and Foot Surgery”, , 12.06.2010, Ministry of Health, Republic of Turkey;
Contributions Course Certificate in AO Trauma Course – Principles in Operative Fracture Management, 26.09.2010, Tbilisi Georgia;
Certificate of EACCME (European Accreditation Council for Continuing Medical Education) in AO Trauma Course – Principles in Operative Fracture Management 27.09.2010, Tbilisi, Georgia;
Certificate of AO Trauma in AO Trauma Course – Management of Fractures of the Hand and Wrist 09.11.2010; Bucharest, Romania;
Certificate of EACCME (European Accreditation Council for Continuing Medical Education) in AO Trauma Course – Management of Fractures of the Hand and Wrist, 09.11.2010, Bucharest, Romania.

ჯალალიშვილი გია – ექიმი ტრავმატოლოგი

პუბლიკაციები:
5 გამოგონების ავტორი, 12 დაბეჭდილი შრომის ავტორი

იმ დაავადებებისა და დაზიანებების ჩამონათვალი, რომელთა მკურნალობა ხდება გია ჯალალიშვილის მიერ:
1. ოპერაციის შემდგომი პერიოდი – მეტალოკონსტრუქციის ამოღება;
2. აქილევსის მყესის დაჭიმულობით გამოწვეული დეფორმაციები -აქილოპლასტიკა;
3. მყესების ტენოლიზი;
4. გამშლელი, მომხრელი მყესების, ნერვების, იოგების, სასახსრე ჩანთების აღდგენა მტევნის/ტერფის დონეზე;
5. მტევანზე/ტერფზე მიო/ტენოტომია, კაფსულოტომია;
6. მადელუნგის დეფორმაცია – სხივის ძვლის ირიბი ძვალკვეთა;
7. სხივის ძვლის/ იდაყვის ძვლის, მტევნის/ტერფის ძვლების ახალი და ხანდაზმული მოტეხილობა – ღია რეპოზიცია, შიდა ოსტეოსინთეზი;
8. ნავისებური ძვლის ოსტეოსინთეზი;
9. მაჯის და მტევნის და ტერფის, მაჯის, ნებისა და მეტატარზალური ძვლების ახალი და ხანდაზმული ამოვარდნილობა;
10. მტევნისა და ტერფის დამატებითი ძვლები, ფალანგები რეზექცია;
11. სინდაქტილია, პოლიდაქტილია;
12. მტევნისა და ტერფის კანის პლასტიკა;
13. მტევნის/ტერფის რბილქსოვილოვანი და ძლოვანი სიმსივნეები;
14. ქუსლის ძვლის დეზი, რეზექცია;
15. მტევანზე / ტერფზე  ეგზოსტოზის მოცილება, ექსკოხლეაცია;
16. შუათანა ნერვის კომპრესიული ნეიროპათია მაჯის არხში – მაჯის არხის სინდრომი (carpaltunnel syndrome) – მაჯის მომხრელი მყესების საბმელის კვეთა (ღია წესით);
17. დეკერვენის დაავადება – მყესბუდის გახსნა;
18. მასტენოზირებელი ლიგამენტიტი (“მოტკაცუნე თითი”) – იოგის კვეთა;
19. ჩაქუჩისებური თითი – ძირითადი ფალაგის თავის რეზექცია;
20. ამპუტაცია მტევნის/ტერფის დონეზე;
21. სხივ-მაჯის, მტევნისა და ტერფის სახსრების “თაგვები” – თაგვების ამოღება;
22. ჰიგრომა – ჰიგრომის მოცილება;
23. მტევნის/ტერფის სახსრების ენდოპროტეზირება;
24. მტევნის/ტერფის ფალანგთა სახსრების ართროდეზები;
25. წინამხრის, მტევნისა და ტერფის შეძენილი და თანდაყოლილი დეფორმაციები – რეკონსტრუქციული ოპერაციები;
26. წინამხრის მტევნის/ტერფის დამაგრძელებელი ძვალკვეთა აპარატის დადებით;
27. მტევნის და ტერფის გრძელი ძვლის დიაფიზის დეფექტის პლასტიკა ტრანსპლანტანტით;
28. წინამხრის, მტევნისა და ტერფის თანდაყოლილი და შეძენილი პათოლოგიები;
29. იშემიური კონტრაქტურების შემდგომი ნარჩენი მოვლენები – რეკონსტრუქციული ოპერაციები;
30. კიენბიოკის დაავადება – ექსკოხლეაცია, ჩანაცვლება ტრანსპლანტატით.

დამატებითი ინფორმაცია:
ASSH (American Society for Surgery of the Hand) -ის წევრი;
SICOT (Société Internationale de Chirurgie Orthopedique et de Traumatologie) - The World Orthopaedic Organisation -ის წევრი;
აფხაზეთის ომის მონაწილე

მისამართი:
თბილისი, საქართველო
ჭავჭავაძის გამზ. 60
მობ.: 599 15 08 09;
ელ-ფოსტა: giajal@dr.com

გაუზიარე მეგობრებს

ჯალალიშვილი გია – ექიმი ტრავმატოლოგი
ჯალალიშვილი გია – ექიმი ტრავმატოლოგი
ჯალალიშვილი გია – ექიმი ტრავმატოლოგი
ჯალალიშვილი გია – ექიმი ტრავმატოლოგი
ჯალალიშვილი გია – ექიმი ტრავმატოლოგი
ჯალალიშვილი გია – ექიმი ტრავმატოლოგი

56 Responses to ჯალალიშვილი გია – ექიმი ტრავმატოლოგი

  1. tornike says:

    გამარჯობათ , ვარ 17 წლის ბიჭი, ვარჯიშობდი სამოყვარულოდ სპორტულ ტანვარჯიშზე და ტრენაჟორებზე, მივიღე ტრამვა, დამიდგინდა ოსტეოქონდროზის რამდენიმე ფორმა ერთ-ერთი ლისთესი 2-3 მმით, მაინტერესებს ინკურნება თუ არა ეს დაავადება, არამედ კუნთების გაძლიერებით ტკივილგამაყუჩებლებით არა , ზუსტად მაინტერესებს თუ არის შესაძლებელი ლისთეზის განკურვნა ანუ თავის ადგილზე ჩასმა და არა კუნთების გაძლიერებით ცურვით და ათასი რამით ტკივილების მოხსნა,, მადლობთ წინასწარ

    • გია ჯალალიშვილი says:

      გამარჯობათ თორნიკე – მე გალავართ მხოლოდ მტევნისა და ტერფის ქირურგი. თქვენს პრობლემაზე კომპეტენტურ პასუხს გაგცემთ ზაზა აზმაიფარაშვილი – 5.99.56.58.65
      პატივისცემით, გია ჯალალიშვილი

  2. tsotne says:

    გამარჯობა ბატონო გია. რამდენიმე თვის წინ მივიღე მაჯის ტრავმა. რადგან თვეების მანძილზე ხელი არ მომირჩა, მივედი ექიმთან, მაგრამ რამდენიმე ექიმმა ერთდროულად და ურთიერთგამომრიცხავი რამდენიმე დიაგნოზი დამისვა… ამიტომ ბუნებრივია არ ვიცი რომელი დიაგნოზი ჩავთვალო სწორად და შესაბამისად როგორი მკურნალობა ავირჩიო. ამ სიტუაციაში ალბათ ჯობია თქვენ მოგმართოთ როგორც მაღალი დონის სპეციალისტს. რას მირჩევდით? გმადლობთ.

    • გია ჯალალიშვილი says:

      დამერწმუნეთ, სიამოვნებით დაგეხმარებით, სხივ – მაჯის სახსარი ჩემი საყვარელი ადგილია, ახლავე ვიცი რაც გექნებათ. თუ საჭიროდ ჩათვლით, შეგიძლიათ დამიკავშირდეთ კვირა საღამოს და გეტყვით სად შევხვდებით და როდის 5.99.15.08.09. თუ გსურთ და ტექნიკურად შეძლებთ, შეგიძლიათ თქვენი რენტგენი დაასკანეროთ და გამომიგზავნოთ იმეილზე – gioaresh@yahoo.com და წინასწარ გეტყვით რა გაქვთ.
      პატივისცემით, გია ჯალალიშვილი

  3. ნატო says:

    გამარჯობათ ბატონო გია,ერთი წლის წინ გავიკეთე ორივე ტერფის პირველ თითზე hallus valgus-ის გამო ოპერაცია.ამ ხნის განმავლობაში მაწუხებს,მაქვს ძლიერი ტკივილი.გავიკეთე ტერფის Rგრაფია და ასეთი პასუხი მივიღე:მარცხენა ტერფის პირველი მეტეტარზალური ძვალი მკვეთრად დამოკლებულია.ორივე ტერფზე აღინიშნება ძირითადი ფალანგის გადახრა 25გრადუსი.შეიძლება თუ არა ამ მდგომარეობის გამოსწორება და სად მოგმართოთ კონსულტაციისთვის?

  4. ნატო says:

    მადლობა პასუხისთვის.აუცილებლად შეგეხმიანებით.ბედნიერ შობა-ახალ წელს გისურვებთ.

  5. მაია says:

    გამარჯობათ ბატონო გია, გუშინ მოულოდნელად დაჯდომის დროს ამომივარდა მუხლი, სასწრაფოთი გადამიყვანეს მე-5 საავადმყოფოში და დიდი წვალების შემდეგ ისევ ჩამისვევს მუხლი. დღეს სიარულის დროს მაქვს შეგრძნება რომ იგივე დამემართება და ასევე ბარძზაყში ვგრძნობ ტკივილს. რას მირჩევთ, რითი შეიძლება განპირობებული იყოს ჩემი ეს მოულოდნელი მუხლის ამოვარდნა? მადლობას გადაგიხდით წინასწარ.

    • გია ჯალალიშვილი says:

      გამარჯობათ! მინდა მოგახსენოთ, რომ ჩემი სპეციალობა მოიცავს მხოლოდ მტევანსა და ტერფს. მუხლის პრობლემის თაობაზე ჩემი პასუხი არაკომპეტენტური იქნება. ამასთან დაკავშირებით გირჩევთ მიმართოთ ”მედიქლაბ ჯორჯიაში ვაჟა გაფრინდაშვილს, ან ლევან ნაჭყებიას
      ვწუხვარ, რომ ვერ შევძელი თქვენი დახმარება
      პატივისცემით, გია ჯალალიშვილი

  6. teo says:

    გამარჯობა ბატონო გია. ხონდროდისტროფიის დიაგნოზი დაუსვეს ბავშვს მიმსგავსებული სიმპტომების გამო, არანაერი გამოკვლევა არ ჩაუტარებიათ. დაიბადა 40 სანტიმეტრი და ერთ თვეში მოიმატა 13 სანტიმეტრი. რას ფიქრობთ, თქვენი აზრით ხონდროდისტროფიით დაავადებული ბავშვი მოიმატებდა 13 სანტიმეტრს ერტ თვეში? 1 კვირის წინ ბავშვი მყავდა ჩამოყვანილი თბილისში პროფესორთან გადავუგე ნეიროსონოგრაფია და სახსრებზე რენდგენი. ნეიროსონოგრაფიამ აჩვენა რომ ბავშვს ყველაფერი წესრიგში აქვს და არ საჭიროებს მედიკამენტურ მკურნალობას. რენდგენმა კატეგორიულად უარყო ქონდროდისტროფია რადგან არანაერად არ ემთხვეოდა ამ დიაგნოზის არცერთ სიმპტომს. შესაძლოა სხვა რაიმე დისპლაზია იყოსო. გენეტიკოსმაც ნახა და ნაკეცები არც ხელზე და არც პეხზე არ იყო შესაბამისი ამ პათოლოგიას, ჩვეულებრივ ჯანმრთელი ბავშვის მსგავსად აქვს 3 ნაკეცი ხელზე. მაგრამ დასკვნაში მაინც ჩაწერა ქონდროდისტროფია სავარაუდოდ თავის დაზგვევის გამო. თუ თქვენ შეგიძლიათ რენდგენის სურათების საფუძველზე რაიმე დიაგნოზი დასვათ ან მირჩიოთ რით დავეხმარო ბავშვს რომ შემდეგ დაგვიანებული არ იყოს მკურნალობა გამოგიგზავნით მეილზე რენდგენის სურათებს და იქნებ ძეძლოთ თქვენ მაინც დამაკვალიანოთ და გამარკვიოთ რა ხდება. ბავშვი არის ორთვინახევრის და სიგრძეში არის 55 სმ როცა 40 სმ დაიბადა და წონით არის 5.800

    • ია says:

      Gamarjobat. Mainteresebs sad sheidzleba vnaxo eg ortopedi tqven tu icit iqneb damexmarot. Chems shvilzec mitxres aqondroplazia, ogond 100%it ara.yvelgan viyavi magram eg ortopedi ar vici. Iqneb momcerot dzalian gtxovt, romel klinikashi mushaobs.madloba cinascar.

      • გია ჯალალიშვილი says:

        გამარჯობათ.
        chondrodystrophia, -ae, f (syn.: achondroplasia, chondrodystrophia congenita, chondrodystrophia hypoplastica): ( ) qondrodistrofia (sin.: aqondroplazia, Tandayolili qondrodistrofia, hipoplaziuri qondrodistrofia) _ xrtilis gaZvalebis procesis memkvidreobiTi darRveva mucladyofnis periodSi (gadacemis dominanturi tipi), rac ganapirobebs grZeli lulisebri Zvlebis zrdis SeCerebas; Sedegad _ Camoyalibdeba cerodena niSandoblivi garegnobiT: normaluri an didi Tavi, normaluri tani, gaSverili muceli da dundulebi, uproporcio mokle kidurebi, inteleqti _ normaluri. ( ) хондродистрофия (син.: ахондроплазия, врождённая хондродистрофия, гипопластическая хондродистрофия) _ наследственное нарушение процесса окостенения хрящей во внутриматочном периоде развития (доминантное наследование), обусловливающее впоследствии прекращение роста длинных костей и оформление карликового роста: нормальная либо большая голова, нормальное туловище, выпячивающиеся живот и ягодицы, непропорционально короткие в сравнении с туловищем конечности, нормальный интеллект.
        ჯემალ ჭუმბურიძე რამდენიმე კლინიკაში მუშაობს (ტატიშვილის ცენტრში, ღუდუშაურში) ჯობია დაუკავშირდეთ მობილურზე – 5.77.499.752

  7. გია ჯალალიშვილი says:

    chondrodystrophia, -ae, f (syn.: achondroplasia, chondrodystrophia congenita, chondrodystrophia hypoplastica): ქონდროდისპლაზია (სინონიმებია აქონდროპლაზია, თანდაყოლილი ქონდროდისტროფია, ჰიპოპლაზიური ქონდროდისტროფია – ეს არის ხრტილის გაძვალების პროცესის მემკვიდრეობითი დარღვევა მუცლადყოფნის პერიოდში (გადაცემის დომინანტური ტიპი), რაც განაპირობებს გრძელი ლულისებრი ძვლების ზრდის შეჩერებას. შედეგად ჩამოყალიბდება ცეროდენა ნიშანდობლივი გარეგნობით: ნორმალური, ან დიდი თავი, ნორმალური ტანი, გაშვერილი მუცელი და დუნდულოები, უპროპორციო მოკლე კიდურები, ინტელექტი – ნორმალური.
    ამ დაავადების დიაგნოსტირება ხდება გენეტიკოსისა და ორთოპედების მიერ (გირჩევდით გენეტიკოსს – ჯენარო ქრისტესაშვილს და ორთოპედს ჯემალ ჭუმბურიძეს). თუმცა თუ გარეგნულად ეს გამოვლენილი არ არის, არ მესმის რატომ დადგა ამ დაავადების კვლევის აუცილებლობა.
    პატივისცემით, გია ჯალალიშვილი

  8. ეკა says:

    გამარჯობათ ბატონო გია. მყავს 15წლის შვილი,რომელსაც აქვს შარკო-მარის დაავადება. 8წლის ასაკში ჩატარებული აქვს ტერფძირების ფასციოტომია,ბოლო პერიოდში სიარული მნიშვნელოვნად გაურთულდა.აქვს ტერფების დეფორმაცია,ტერფის თაღის დამახასიათებელი აწევით,თითების ჰიპერდორზიფლექსიით,დორზალური ამოვარდნილობითა და ჩაქუჩისებრი დეფორმაციებით.შენარჩუნებულია დიდი წვივის წინა კუნთის ტონუსი,რაც აღრმავებს ინვერსიულ დეფორმაციას.მანუალური კორექციისადმი ყველა დეფორმაცია რიგიდულია. მყესების რეფლექსები – დუნე.სიარული პრაქტიკულად შეუძლებელია,მცდელობისას ეყრდნობა ტერფების წინა – ლატერალურ მხარეებს. დეფორმაციები ნორმალური სიარულის და ფეხსაცმლის ტარების საშუალებას არ იძლევა.მაინტერესებს რა სახის ოპერაცია ესაჭიროება,საჭიროა თუ არა ძვლების ჩასწორება?წინასწარ დიდი მადლობა.

    • გია ჯალალიშვილი says:

      ზეპირად რამის თქმა თქვენს შემთხვევაში ძნელია. ერთი სიტყვით ამ ოპერაციას შეიძლება რეკონსტრუქცია დაარქვას. ზუსტი პასუხის გაცემა შემეძლება მხოლოდ პაციენტის ნახვის შემდეგ.
      პატივისცემით,

  9. ეკა says:

    გამარჯობათ ბატონო გია. ტერფის რენდგენის საფუძველზე მეუღლეს დაუდგინეს დეზი, აწუხებს ტკივილები ქუსლის არეში. მაინტერესებს თუ ემხრობით დარტყმით ტალღოვან თერაპიას და თუ კეთდება თქვენთან.

    • გია ჯალალიშვილი says:

      საღამო მშვიდობისა, ქ/ეკა. ”დეზის” მკურნალობა 2 სახისაა – არაოპერაციული და ოპერაციული.
      არაოპერაციული მკურნალობა მოიცავს ანთების საწინააღმდეგო მკურნალობას და შემდეგ აუცილებლად სპეციალურ სუპინატორს. მაგრამ რაც არ უნდა მკურნალობა ჩაიტაროთ (თუნდაც ულტრაბგერით, ეს ”დეზი” არ გაქრება. ხაზს ვუსვამ – არაოპერაციული მეთოდებით მისი გაქრობა არ ხდება. ამ დროს პაციენტს ანთებითი პროცესი უმცირდება და/მაგრამ საკმარისია პაციენტმა დატვირთვა (სიარული) განაახლოს, რომ (ლოგიკურია) ისევ იწყება ტკივილი.
      იმისათვის, რომ პაციენტს პრობლემა მოეხსნას, ბუნებრივია, ესაჭიროება ოპერაცია.
      თუმცა ისე არ გამიგოთ, თითქოს ოპერაციას ”გაიძულებდეთ”. არა, ეს სურვილი თვითონ პაციენტმა უნდა გამოთქვას …
      დასკვნა – პირველ რიგში პაციენტი მიდის ტერფის ექიმთან, ზუსტდება დიაგნოზი, შემდეგ იკეთებს სპეციფიკურ სუპინატორებს (იმას თუ რომელი და რანაირი, განახებთ თუ მობრძანდებით კონსულტაციაზე), და თუ მან იგრძნო შვება, ამით კმაყოფილდება, თუ არა – თავისი სურვილით იკეთებს ოპერაციას სპეციალური აპარატის დახმარებით (”ეოპით”).
      თუ თქვენ საჭიროდ მიიჩნევთ, შეგიძლიათ დამიკავშირდეთ და ჩაეწეროთ კონსულტაციაზე.
      პატივისცემით, გია ჯალალიშვილი

      • ეკა says:

        დიდი მადლობა ბატონო გია, ალბათ ზემოთ რა ნომერიც არის მითითებული, იქ უნდა დაგიკავშირდეთ. კონსულტაციის დროზე ტელეფონით შეგითანხმდებით.

  10. ana says:

    გამარჯობა ბატონო გია, ბავშვი არის 2 წლის და 9 თვის, ცერა თითს ვერ შლის ბოლომდე, რამოდენიმეჯერ გაშალა მაგრამ ისევ მოეხარა, მაინტერესებს რა შეიძლება გაკეთდეს ამ შემთხვევში და დაგვიანებული ხომ არ არის რაიმე ზომების მიგება.წინასწარ დიდი მადლობა!

  11. გია ჯალალიშვილი says:

    ამას ქვია მასტენოზირებელი ლიგამენტიტი. მისი მკურნალობა აუცილებელია, თან შედარებით ”მალე” მისი დაგვიანების შემთხვევაში მკურნალობა უშედეგო ხდება და ცერა თითი მთელი ცხოვრება ხდება უმოძრაო – http://www.turner.ru/kist_ligamentit.html.
    თქვენ კი ნამდვილად გირჩევთ მობრძანდეთ კონსულტაციაზე :)

  12. Miranda says:

    gamarjoba batono gia. var 51 tzlis.erti tzelia dzalian shematzuxa pexebma,tkivilis mizezi aris kuslis dzvlis dezi.orive pexze.marjvenaze gamotzeuli makvs dezi,mtkivneuli.martzxenaze, dasatzkisi.tkivili magla amivida da siaruls mishlis.goreli kalbatoni var. rodis sheidzleba tkveni naxva da sad? aversshi var dazgveuli.chemi postaa mirandajolbordi@mail.ru. tel-593026262.gtxovt mipasuxot.

  13. გია ჯალალიშვილი says:

    სრულფასოვანი პასუხის გაცემისთვის აუცილებელია თქვენი გასინჯვა და რენტგენების დათვალიერება. მომავალ კვირაში მიღება მექნება მხოლოდ სამშაბათს ”იუნონაში” (ჭავჭავაძის გამზ. 60) 1 – დან 3 საათამდე, ან ხუთშაბათს ტატიშვილის ცენტრში (ვაკის ფილიალში) 4 საათისთვის (ზუსტად დროს გეტყვიან მენეჯერები – შეგიძლიათ სამუშაო საათებში დარეკოთ ამ ტელეფონზე და ჩაეწეროთ – 2.91.32.42)
    პატივისცემით, გია ჯალალიშვილი

  14. ნანა says:

    მოგესალმებით,
    ბატონო გია ჩემს შვილს (22 წლის) ფრჩხილის ბუდის ანთების შედეგად, ხელის ცერა თითზე (7 წლის ასაკში) ამოუვიდა მახინჯი ფრჩხილი. მაინტერესებს თუ აკეტებთ თქვენ ამ პრობლემის მოსაგვარებლად პლასტიკურ ოპერაციას?

    პატივისცემით,
    ნანა

  15. გია ჯალალიშვილი says:

    გამარჯობათ, ქ/ნანა. მინდა გიპასუხოთ, რომ ამ ოპერაციის უშედეგობის გამო ვცდილობ არ გავაკეთო (მით უმეტეს თქვენს შემთხვევაში დიდი დროის გასვლის გამო) – ამ თემაზე შეგიძლიათ მიმართოთ საშა კალანტაროვს ”კარაპს მედლაინში”, იქნებ მან მეტი იმედი მოგცეთ

  16. ნანა says:

    გმადლობთ

  17. მოგესალმებით, ბატონო გია , მყავს დედა დიაბეტიანი, დაეწყო ქუსლის ტკივილები, განსაკუთრებით პირველი ნაბიჯები უჭირს, შემდეგ ცოტა ნაკლებია ტკივილები. რა ანალიზებია საჭირო, რომ თან გვქონდეს თქვენთან ვიზიტისას?

  18. გია ჯალალიშვილი says:

    გამარჯობათ. ბოდიშს გიხდით პასუხის დაგვიანებისთვის.
    ჩემთან ვიზიტამდე პირველ რიგში გადაიღეთ ორივე ქუსლის ძვლის ხარისხიანი რენტგენოგრაფია გვერდით პროექციებში. თუ რენტგენზე აღმოჩნდა ე.წ. ქუსლის ძვლის დეზი, მაშინ შეგიძლიათ მობრძანდეთ ჩემთან და დაგეხმარებით, თუ არა – მაშინ აჯობებს მიბრძანდეთ მარიკა ნიშნიანიძესთან ”მედიქლაბ ჯორჯიაში”

  19. დიდი მადლობა :)

  20. მოგესალმებით ბატონო გია, თქვენი რჩევისამებრ , დედას გადავუღე ფეხის ქუსლების რენტგენი და აღმოაჩნდა ქუსლის დეზი. სად შემიძლია გავიგო, რომელ კლინიკაში როდის გაქვთ მიღება, რომ მოვიყვანო?

    • გია ჯალალიშვილი says:

      საღამო მშვიდობისა. მე ერთდროულად რამდენიმე კლინიკაში ვარ. დამირეკეთ პირად მობილურზე და შევთანხმდებით დროსა და კლინიკაზე – 5.99.15.08.09

  21. თიკო says:

    Mainteresebs myavs 1 da 2 tvis shvili. 2 dgea shevnishne, rom xelis mtevanze sadac aratiti mtavrdeba mtevnis shida mxridan isinjeba magari canazardi,romelic titqos modzraobs. Pediatrma mitxra mgoni canazardia da ortoped travmatologs anaxeto. Tqven ras piqrobt ra sheidzleba iyos es da sashishia? titqos modzravia.

  22. გია ჯალალიშვილი says:

    ზეპირად თქმა ძნელია, მაგრამ სავარაუდოდ ეს არის განგლიონი (ჰიგრომა), რა თქმა ჯობს ბავშვი მოიყვანოთ კონსულტაციაზე – დამერწმუნეთ მოგაწვდით დაწვრილებით ინფორმაციას

  23. natia says:

    Gamarjobat.chems shvils, romelic aris 2clis da 8 tvis aqvs neka titze problema.rogorc me tviton davadgine ‘tkacuna titi’.chemi daxmarebit shlis,magram male isev ekeceba.mainteresebs tu sheidzleba am asakshi operacia an sxva alternatiuli mkurnalobis metodi tu arsebobs.ramdenad sashishia isic mainteresebs.madlobaa gixdit cibascar da moutmenlad veli tqvens pasuxs

  24. გია ჯალალიშვილი says:

    გამარჯობათ, სავარაუდოდ თქვენს შვილს მართლაც ეს დაავადება აქვს. მისი მკურნალობა მხოლოდ ოპერაციულია, რამდენად აუცილებელია და სასწრაფოა ამის მკურნალობა მოგახსენებთ კონსულტაციაზე (აქვე ვალდებული ვარ შევნიშნო, რომ მკუყრნალობა ”საჩქაროა” და აუცილებელი

  25. ეკა says:

    გია ექიმო, დღეს რო შემხსენით თაბაშირი თელავიდან ის ვარ . რომ მითხარით გამოგიგზავნით იმ ფეხსაცმელებს რაც მე უნდა ვიხმარო , გთხოვთ ამ იმეილზე გამომიგზავნოთ და სად უნდა შევიძინო . წინასწარ გიხდით მადლობას.

  26. ალექსანდრე says:

    გამარჯობათ ბატონო გია,
    ვარ 61 წლის მამაკაცი, დაახლოებით 6 კვირაა მტკივა მარჯვენა ხელის ცერა თითი შესახსრების ადგილებში. ტრამვა არ მახსენდება, ტკივილი თითქმის მუდმივია, გარედან სიწითლე ან შესიება არ მაქვს, სახსარში მოძრაობა შეზღუდულია, დილაობით, მოძრაობის დაწყებისას ცერა თითი იწყებს სახსარში “ხტუნვას”. შაბათს 24.05-ში, მივმართე ორთოპედს,(რამოდენიმე თვის წინ მომცა “ქუსლის დეზზე” კონსულტაცია), რომელმაც თითის ნახვისა და ზეპირი აღწერის შემდეგ დამისვა დიაგნოზი “მასტენოზირებელი ლიგამენტიტი” და მირჩია ოპერაციის გაკეთება, რაზედაც ჯერ-ჯერობით თავს ვიკავებ. სახსრის გამოკვლევები (რენტგენი, ექოსკოპია და ა.შ.) არაფერი ჩამიტარებია (იყო სამუშაო დღის ბოლო), არც რევმატოლოგთან არ ვყოფილვარ რევმა ტესტებზე. კვირას საღამოს თქვენ მობილურზე გესაუბრეთ და თქვენც მირჩიეთ დროულად ოპერაციის გაკეთება. მე ხუთი დღე ქუთაისში ვმუშაობ და მხოლოდ შაბათ-კვირას ვარ ხოლმე თბილისში, ამიტომ მინდა გთხოვოთ წინასწარ ჩამწეროთ თქვენთან მიღებაზე შაბათს ნებისმიერ დროსა და ადგილზე (კლინიკაში).
    მინდა ასევე გთხოვოთ, რომ იქნებ ვცადოთ ოპერაციამდე მედიკამენტოზური ან რაიმე ფიზიოთერაპიული მეთოდებით მკურნალობა და ტკივილების მოხსნა. თვითმკურნალობას არ ვაპირებ, თუმცა ინტერნეტში არის გარკვეული რჩევებიც:
    http://bolsustav.ru/stenoziruyushhij-ligamentit.html
    http://www.medee.ru/syndrome/description/id/3245/
    http://www.ortomed.info/articles/ortopediya/hirurgiya-kisti/stenoziruyushij-ligamentit/
    http://www.babyblog.ru/community/post/diseases/1700372
    წინასწარ დიდი მადლობა,
    პატივისცემით,
    ალექსანდრე ღუღუნიშვილი

  27. გია ჯალალიშვილი says:

    გამარჯობათ, ბ/ალექსანდრე. მინდა მოგახსენოთ, რომ შაბათ კვირას მეც ვისვენებ, ამიტომ თუ თქვენ თვლით საჭიროდ ჩემს კონსულტაციას, დარეკეთ ტელეფონის ნომრებზე და ჩაეწერეთ ჩემს მენეჯერებთან სამუშაო საათებში – 2.25.20.38, ან 2.25.20.39; ან 2.91.32.42
    რაც შეეხება კონსერვატიულ მკურნალობას – ამ დაავადების დროს კონსერვატიული მკურნალობა არა ეფექტურია (სხვათა შორის ისევე, როგორც ”ქუსლის დეზის” დროს).
    ეს ინფორმაცია, რაც თქვენ მოიძიეთ ინტერნეტში, ძველისძველია და ძირითადად არა ეფექტური, თუმცა თქვენ სრული უფლება გაქვთ სცადოთ ესეც. თუმცა სიმართლე გითხრათ მე პირადად არ მესმის ცნება – ”10 წელია ვმკურნალობ, ვსვამ წამლებს, ვისვამ მალამოებს, ვიკეთებ ინექციებს და ბედნიერი ვარ იმით, რომ ოპერაციას გადავრჩი …”.
    მე უფრო მეტად მჯერა იმ ადამიანების, რომლებიც იკეთებენ ოპერაციას (თანაც თქვენს შემთხვევაში ეს გაკეთდება ადგილობრივი ანესთეზიით, ამბულატორიულად) და სწრაფად სამუდამოდ კარგად არიან
    ასევე ვალდებული ვარ შეგახსენოთ, რომ რაც გვიან გაიკეთებთ ამ ოპერაციას, შედეგი მით უარესი გექნებათ (უფრო ზუსტად შედეგი შესაძლოა ოპერაციამ არ გამოიღოს)

  28. ზინიკო says:

    ბატონო გია
    მყავს ოთხი წლის შვილი. დაიბადა შვიდთვიანი 1,800 წონით , ჯანმრთელი, მაგრამ მოგვიანებით დაუდგინეს რომ აქვს მოკლე აქილევსის მყესი. მითხრეს რომ ოპერაცია სასურველია გაუკეთდეს 6-7 წლის ასაკში. ძალიან განვიცდი მის მდგომარეობას იქნებ მირჩიოთ როგორ მოვიქცე.

  29. გია ჯალალიშვილი says:

    გამარჯობათ. ვწუხვარ თქვენი მდგომარეობის შესახებ, მაგრამ გამოსავალი არსებობს. პირველ რიგში ბავშვი უნდა ნახოს ორთოპედმა (ჯემალ ჭუმბურიძემ – 5.77. 49.97.52) და თუ ეს დიაგნოზი მართლა დადასტურდა, მაშინ უნდა გაკეთდეს ოპერაცია (აქილოპლასტიკა).
    რაც შეეხება ოპერაციას – სულაც არაა სასურველი 7 წლის ასაკამდე ლოდინი, პირიქით – რაც მალე გაკეთდება – მით უკეთესი შედეგი იქნება.
    ეს ოპერაცია ადრეულ ასაკში 15 – 20 წუთიანია და შედეგიანი.
    არ მესმის იმ მშობლის პოზიცია, რომელიც ბავშვს ”ოპერაციას გადარჩენს” და უშედეგოდ ტანჯავს 7 – 10 წელი მასაჟებით და თაბაშირით …
    გისურვებთ წარმატებებს

  30. სოფო says:

    ბატონო გია,

    მაინტერესებს რამდენად არის შესაძლებელი ნახევრად ამპუტირებული ტერფის პლასტიკა ? (ქუსლი და ტერფის ნაწილი შენარჩუნებულია). პაციენტს ამპუტაცია ჩაუტარდა ავარიის გამო.

  31. გია ჯალალიშვილი says:

    გამარჯობათ, ქ/სოფო, მგონი თქვენ ნამყოფი ხართ ჩემთან კონსულტაციაზე.
    ტერფისა და მტევნის ამპუტაციის დროს ასეთი ტიპის რეკონსტრუქციული ოპერაციები შესაძლებელია და ვაკეთებთ კიდევაც. მაგრამ ამის შედეგად უმჯობესდება მხოლოდ ფუნქცია. ესთეტიკური მხარე არ უმჯობესდება (ანუ ტერფი ვერ მიიღებს ისეთ სახეს, რომ პაციენტმა ზღვაზე შეძლოს ფეხშიშველმა სიარული). ამასთან შევნიშნავ, რომ თუ მხოლოდ ფუნქციის აღდგენაზე მიდგა საქმე, ამის გაკეთება ოპერაციაზე გაცილებით უკეთ ხდება ტერფის პროტეზით. ამასთან, თანამეედროვე ტექნოლოგიებით დამზადებული ტერფის პროტეზი ვიზუალურადაც საკმაოდ გავს ნამდვილ ტერფს და ფუნქციასაც კარგად ასრულებს.
    თუ მე მეშლება და თქვენ არ ხართ ჩემთან ნამყოფი, შეგიძლიათ ჩაეწეროთ კონსულტაციაზე (2.25.20.38; 2.25.20.39) და ამომწურავ პასუხს გაგცემთ (საილუსტრაციო მასალის ჩათვლით)

  32. ნათია says:

    გამარჯობატ ბატონო გია!
    რჩევა მჭირდება და თქვენი დახმარების იმედი მაქვს.
    15 წლის გოგონა 151 სმ–ია სიმაღლეში, აშკარად ჩამორჩენაა, როგორც მითხრეს უნდა მივმართო ენდოკრინოლოგს, თუმცა ჯერ ხელის მტევნის რენტგენი უნდა გავიკეთოთ ზრდის ზონების დახურვა–არ დახურვის დასადგენად. შემიზლია თუ არა ამ საკითხზე მოგმართოთ თქვენ?

    • გია ჯალალიშვილი says:

      ამ თემაზე ძალიან კომპეტენტურ პასუხს გაგცემთ მარი ხოსროშვილი – 5.77.73.30.74

  33. ნანკა says:
      გამარჯობათ, ბატონო გია!
      ძალიან მაინტერესებს თუ ხდება ავარიის შედეგად ამპუტირებული მცირე წვივის ოპერაციული აღდგენა არ ვგულისხმობ პროტეზირებას. თუ არ ხდება საქართველოში რომელ ქვეყანას და რომელ კლინიკას გვირჩევდით? წინასწარ გმადლობთ.
    • გია ჯალალიშვილი says:

      მცირე წვივის? ვერ მიხვდი რას გულისხმობთ.
      როგორც ასეთი, ცალკე ორგანო ”მცირე წვივის ძვალი” იმდენად უფუნქციოა, რომ სხვა და სხვა ტიპის ოპერაციების დროს (სხვა ძვლის სიმსივნე, სხვა ძვლის დეფექტი, დიდი წვივის ძვლის დამოკლება … და ა. შ.) ამ ძვალს ვაჭრი კიდევაც და ვიყენებ აუტოტრანსპლანტატად, ანუ ერთგან ვაჭრი და ვნერგავ (ვაკერებ) სხვა ადგილას.
      ამდენად ვერ ვხვდები რატომ დადგა ეს პრობლემა თქვენს წინაშე – ”მცირე წვივის ოპერაციული აღდგენა”
      იქნებ სხვა რომელიმე ორგანოს გულისხმობთ? მაშინ დააზუსტეთ ლოკალიზაცია და პრობლემა, ან მაჩვენეთ რენტგენოგრაფიები

  34. natia says:

    მოგესალმებით ბტონო გია. მე ნათია ვარ 30 წლის. დაახლოებით ორი წლის წინ 2012 წლის ზაფხულში მარჯვენა ხელის მრევანზე დამეცა მინა, რის შედეგადაც გადამეჭრა ერტი ორმაგი მყესი ბოლომდე {საჩვენებელი თითის} და მეორე ორმაგი მყესი და დანარჩენმა მყესებმა ზედაპირული დაზიანება მიიღეს.გადაჭრილი მყესი მაშჰინვე აღმიდგინეს გამიკეთდა მიკროოპერაცია.ხელი ერთი თვე თაბაშირში მქონდა.ნორმალურად შემიცორცდა ყველაფერი და ხელსაც ჩვეულებრივ ვხმარობდი…
    2013 წლის ზაფხულში 6 თვის ორსული ვიყავი როდესაც ამავე ხელის ცერა თითი საშინლად ამტკივდა,დაახლოებით ერთი კვირა მტკიოდა და ბოლოს იმავე კირურგს მივმართე ვინც ოპერაცია გამიკეთა.მან მითხრა, რომ ცერა თითის ბუდის ანთება მქონდა.გამომიწერა მაზი გარეგნულად შესაზელად, სხვა ვერაფერი რადგან ორსულად ვიყავი.თითქოს ოდნავი შვება მომცა,მაგრამ დაახლოებით კვირანახევარში მეორე ხელზეც იგივე პრობლემა დამეწყო და ცოტა ხანში ვერც ერთ ხელს ნორმალურად ვეღარ ვხმარობდი.მეტკინა ორივე ხელის მაჯები ისე რომ ხელში არაფრის დაკავება არ შემეძლო და ვერც ვერაფერც ვაკთებდი,თული რამეს გავაკეთებდი საშინელი ტკივილები არ მაძინებდა ღამე.ვიყავი 5 თუ 6 რევმატოგთან,ეს ყველაფერი მათ ორსულობას დააბრალეს და მშობიარობის მერე გაგივლისო, მაგრამ ორსულობის გამო ვერავითარ წამალს ვერ მაძლევდნენ,მხოლოდ მაზები, მაგრამ შეღავათი არ მქონდა.ასე გავიდა მთელი ხუთი თვე, საშინელ ტკივილებში. მშობიარობის მერე არ გამიარა და იძულებული ვიყავი ხელოვნურზე გადამეყვანა რადგან ხელში ჭერა არ შემეძლო და გამოკვლევები გავიკეთე. როე 40 მქონდა.დავიწყე მკურნალობა დოდო ქართველიშვილთან. შედარებით შედეგი მაქვს.შეიძლება ითქვას, რომ მარცხენა ხელი ფაქტიურად არ მტკივა, მაგრამ მარჯვენა ისევ ისე საშინლად მაწუხებს.ვსვავ ოლფენს და პლაქვენილს (ხანგრძლივად), თუ ოდნაც გადამეღალა ან ზედმეტად მოვაბრუნე ხელი ძალიან მტკივა.თან ეს ბოლო დღეები ის ადგილი მეჭიმება სადაც მყესები მაქვს გადაბმული და ცერა თითის ხმარება მიჭირს.
    იქნებ რამე მირჩიოთ… მადლობთ წინასწარ.

  35. გია ჯალალიშვილი says:

    ერთი შეხედვით, თქვენ გაქვთ ”დეკერვენის სინდრომი”, რომელიც განკურნებადია – https://www.facebook.com/gia.jalalishvili/media_set?set=a.556250191066101.131741.100000433759969&type=3
    ოღონდ ამას სჭირდება სპეციფიკური მკურნალობა, რომელიც მტევნის ქირურგის (ჩემი სპეციალობის) კომპეტენციაა. რა თქმა უნდა, მას მხოლოდ მალამოები არ უშველის.
    დიაგნოზის დაზუსტებისთვის და კონსულტაციისთვის ჯობია მობრძანდეთ ჩემს ერთ – ერთ კლინიკაში. ამისათვის ჩაეწერეთ მიღებაზე – 2.91.32.42
    თუ მოასწრებთ, იქნებ დღრეს მობრძანდეთ, რადგან ხვალიდან 1.5 თვე საქართველოში აღარ ვიქნები.
    აქვე მინდა მოგახსენოთ, ეს დაავადება თქვენს ძველ ტრავმასთან არანაირ კავშირში არ არის

  36. natia says:

    დიდი მადლობა ბატონო გია პასუხისთვის.იმედი გამიჩნდა.არც კი მეგონა თუ ოდესმე მეშველებოდა, რადგან ზუსტი დიაგნოზიც კი ვერ დამისვეს. სავარაუდო რევმატიული ართრიტი ჩამიწერა ქალბატონმა დოდომ. სურათები რომ ვნახე მივხვდი რომ ზუსტად ეგ დაავადება მაქვს. სამწუხაროდ დღეს ვერ მოვხვდი თქვენთან, მაგრამ რომ დაბრუნდებით აუცილებლად მოვალ.
    და კიდევ ერთი შეკითხვა თუ შეიძლება.დედაჩემს ერთი თვეა უკვე მარჯვენა ქუსლი აწუხებს ძალიან. მოულოდნელად ასრტკივდა. მოგვიანებით გაიკეთა რედგენი და აღმონდა რომ აქვს ქუსლის დეზი. ზემოთ კითხვა პასუხში ვნახე, რომ ამას მხოლოდ ოპარაცია შველის.
    კიდევ ერთხელ უღრმესი მადლობა

    • გია ჯალალიშვილი says:

      ვწუხვარ, მაგრამ დღეს ჩვენი შეხვედრა ვერ შედგა. დამერწმუნეთ თქვენიც და დედას განკურნებაც ძალიან რეალურია. მე საქართველოში ვიქნები 15 სექტემბერს. შემეხმიანეთ, სიამოვნებით დაგეხმარებით

  37. ეკა says:

    მოგესალმებით ბატონო გია. დაახლოვებით 1თვეზე მეტია ჩემმა შვილმა(რომელიც არის 14 წლის)იტკინა ხელის თითი.გვეგონა ყველაფერი ჩაივლიდა,მაგრამ თითმა დაუწყო ტკივილი და ვეღარ შლის,აქვს მოხრილ მდგომარეობაში.გავიკეთეთ რენდგენი,მითხრეს რომ იყო მოტეხილობა,რომ თითის საზრდელი არის დაზიანებული.ესაჭიროება ოპერაცია…მაინტერესებს თქვენს ჩამოსვლამდე ოპერაცია დაგვიანებული ხომ არ იქნება,ან თუ დაგვიანდება ვის მირჩევთ ვის მივმართო.წინასწარ გმადლობთ.

    • გია ჯალალიშვილი says:

      მე ვისვენებ 18 სექტემბრამდე. ამ დროისთვის შეიძლება ყველაფერი დაგვიანდეს, ამიტომ ჩემი სახელით დარეკეთ ამ ნომერზე – 5.77.72.57.78 – მარიკა და დაგეხმარებიან
      პატივისცემით გია ჯალალიშვილი

  38. tiko Davitashvili says:

    გამარჯობათ ბატონო გია, გაწყვეტილი მაქვს აქილევსის მყესის ნაწილი 9თვის წინ .მაინტერესებს შესაძლებელია თუ არა აღდგენა და აკეთებთ თუ არა თქვენ მსგავს ოპერაციას?

  39. გია says:

    გამარჯობათ. ამ მყესის აღდგენა, რა თქმა უნდა, შესაძლებელია. თუმცა ამ თემაზე ჯობია მიმართოთ ვაჟა გაფრინდაშვილს ან ლევან ნაჭყებიას “მედიქლაბში”

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>